Die Eerste Nasionale Bank (ENB) op Rouxville, die enigste bank op die dorp, het die naweek onder rowers deurgeloop.
Polisiewoordvoerder sers. Yanga Ngcukana het aan Netwerk24 gesê daar word nog ondersoek hoe die rowers toegang tot die bank gekry het, maar dit wil voorkom of die agterste deur gebruik is.
Volgens Ngcukana was van die kluise oop en geldsakke met munte is op die vloer aangetref en is dit nog onseker presies hoeveel geld gebuit is.
Die bestuurder van ENB in Aliwal-Noord, waaronder die tak in Rouxville val, het gesê hy kan nie in die stadium van die polisie-ondersoek kommentaar lewer nie.
The post BANK OP ROUXVILLE BEROOF appeared first on Radio Rosestad 100.6FM.