Die bekende rolprentmaker en eienaar van die Tiger Canyons-plaas by
Philippolis in die Vrystaat, John Varty, het verantwoordelikheid aanvaar vir die dood van die 3-jarige seuntjie wat verlede Saterdag deur ’n jagluiperd op die plaas doodgebyt is.
Netwerk24 berig Varty het in ’n inskrywing op Facebook gesê die drie-jarige Lorenzo Pieterse se dood is sy fout omdat hy die vroue en kinders lankal na ’n veilige eenheid moes verskuif het.
Ao. Loraine Earle, ’n polisiewoordvoerder, het gister gesê ’n lykskouing is verlede week op klein Lorenzo gehou en die polisie wag op die patoloog se verslag.
Nog ‘n kleuter is die naweek hier dood.
‘n 16-maande oue meisie het Vrydag in ’n waskom verdrink, ‘n dag voor Lorenzo se begrafnis.
The post Seun (3) doodgebyt: Varty neem verantwoordelikheid appeared first on Radio Rosestad 100.6FM.