Die Menseregtekommissie het die ANC-beheerde regering uitgelig as ‘n
voorste skender van menseregte.
Die kommissie sê die regering se onvermoë om noodsaaklike dienste soos water, behuising en sanitasie in veral landelike gebiede te voorsien, is ‘n oortreding van die Handves van Menseregte.
Statistieke Suid-Afrika se syfers toon dat bykans twee miljoen huishoudings nog steeds nie toegang tot lopende water het nie, terwyl meer as 2,2 miljoen gesinne nie huise het nie.
Die bestuurder van die Menseregtekommissie, Mpho Boikanyo, sê die regering se onvermoë om in miljoene burgers se basiese behoeftes te voorsien, is sonder twyfel ‘n skending van menseregte.
The post ‘ANC is voorste skender van menseregte’ appeared first on Radio Rosestad 100.6FM.