Die voorsitter van die Oos-Kaapse Rooivleisprodusente-organisasie, Francois du Toit, sê veediefstal dreig om buite beheer te raak en die moontlikheid dat produsente eie reg kan gebruik, kan nie uitgesluit word nie.
Hy sê samewerking tussen die produsente en die polisie wissel van gebied tot gebied, en die probleme wat moontlik handuit kan ruk, is juis in dié gebiede waar samewerking nie na wense is nie.
Du Toit sê daar is reeds verskeie produsente wat op hul eie patrollies ry vir die veiligheid van hul gebiede en die voorkoming van veediefstal.
Volgens die voorsitter van die nasionale veediefstal-voorkomingsforum, Willie Clack, is die huidige statistieke van die polisie en Statistieke Suid-Afrika alles net leuens.
The post “Veediefstal dreig om buite beheer te raak” appeared first on Radio Rosestad 100.6FM.