Die Gupta-familie sê hulle was nog altyd daartoe verbind om met statutêre ondersoeke in die land saam te werk.
Hulle het gereageer nadat die DA se woordvoerder, David Maynier, gesê het die Guptas word onder meer vir beweerde korrupsie en geldwassery ondersoek en dat dinge klaarblyklik vir hulle ‘n keerpunt bereik het.
Die sekretaris-generaal van die SAKP, Blade Nzimande, het ook gesê die Guptas se besluit om alle aandele in Suid-Afrikaanse sake-ondernemings te verkoop, waarskynlik geneem is om die Reserwebank, die Tesourie en die Finansiële Intelligensiesentrum se ondersoeke wat teen die familie aan die gang is, te ontduik.
Die maatskappy, Oakbay Investments, sê in ’n verklaring die familie het dit baie duidelik gemaak dat hulle Suid-Afrikaanse burgers bly en beplan om steeds in Suid-Afrika te woon.
The post GUPTAS ‘NOG ALTYD VERBIND OM MET ONDERSOEKE SAAM TE WERK’ appeared first on Radio Rosestad 100.6FM.