Renosterstropery vier tans hoogty in die Vrystaat met nog twee renosters wat
die afgelope ruk in die provinsie vir hulle horings doodgemaak is.
Netwerk24 berig vandeesweek is ‘n renosterkoei en -kalf by die wildboerdery, Crous Broers tussen Hennenman en Kroonstad, doodgeskiet en gestroop.
Die laaste tyd is 15 renosters glo net in die Noord-Vrystaat geskiet.
Volgens een van die eienaars, Riaan Crous, dra beter veiligheidsmaatreëls in die Krugerwildtuin en die feit dat daar juis weens stropery nou baie minder diere oor is, by dat die Vrystaat toenemend ’n jagveld vir stropers word.
Die renosterkalf Vrystaat, waaroor onlangs berig is waarvan die horing uitgekap is terwyl hy leef, kom van die Crous-broers se plaas af.
Crous het ‘n beroep op die staat gedoen om handel in renosterhoring te wettig en sodoende die sluikhandel te vernietig.
The post Nog 2 renosters dood in VS appeared first on Radio Rosestad 100.6FM.