Die lughawemaatskappy, Acsa, het al die sekuriteitswagte wat tydens die
rooftog Dinsdagaand by die O.R. Tambo-lughawe aan diens was, vervang.
Acsa sê hulle het die stap geneem as voorsorgmaatreël.
Volgens Acsa het ‘n groep gewapende mans in twee voertuie met polisiekentekens en blou ligte by die lughawe opgedaag.
Hulle het sekuriteitspersoneellede aangehou en gedwing om op die vloer te lê.
Die rowers het toe ‘n groot bedrag geld uit ‘n verseëlde houer gesteel.
Die groephoof van Acsa, Refentse Shinners, sê die maatskappy se bestuur is baie bekommerd oor die rooftog en die wyse waarop dit uitgevoer is.
Shinners sê hulle werk nou saam met wetstoepassingsagentskappe in die ondersoek.
The post Rooftog by lughawe: Sekuriteitswagte vervang appeared first on Radio Rosestad 100.6FM.