Die Mangaung-metro het personeel wat op oortydvergoeding geregtig is,
betaal om sodoende probleme wat stakende metro-amptenare skep, teen te werk.
Netwerk24 berig ‘n ander oplossing is dat ’n komitee wat deur Olly Mlamleli,
uitvoerende burgemeester, saamgestel is, besluit het om meer werkers in diens te neem om die werkerskorps op grondvlak aan te vul.
Volgens Qondile Khedama, hoofbestuurder: kommunikasie van die metro in Bloemfontein, is dit een van die planne wat in werking gestel is om oortydbetaling te verminder.
Sommige van die besluite kom weens die onwettige staking waaraan ’n klomp werknemers van die metro op Vrydag 24 Februarie deelgeneem het.
Die staking en gevolglike skade het gelei tot ’n tussentydse hofbevel teen die stakers om ’n herhaling daarvan te voorkom.
The post Mangaung-metro betaal werkers vir oortyd appeared first on Radio Rosestad 100.6FM.