Die hele Brandfort was gister sonder water en krag ná ’n week lange
waterkrisis, waarin ’n elektrisiën wat Saterdag probeer het om die probleem te help oplos, ook verbrand is toe ’n kragboks in sy gesig ontplof het.
Netwerk24 berig volgens Marieta Visser, DA-raadslid van die Masilonyana-munisipaliteit, het inwoners Saterdag vir water by Brandfort se wateraanleg gesoebat nadat daar al van verlede Maandag af nie water is nie.
Intussen het die elektrisiteit waarmee die water gepomp moes word toe ’n gebarste waterpyp wel herstel is, ook Saterdagmiddag afgegaan.
‘n Kragboks het in Ernst Tema, ’n elektrisiën van die munisipaliteit, se gesig ontplof toe hy die probleem wou regstel.
Hy is in ’n ernstige toestand in die Pelonomi-hospitaal se waakeenheid opgeneem.
The post Brandfort sonder water, krag appeared first on Radio Rosestad 100.6FM.