Minstens drie mense is in die week se oorstromings in Noordwes dood.
Die premier, Supra Mahumapelo, sê in ‘n verklaring ’n laerskoolseun het verdrink toe hy ’n stroom in Leporung, naby die dorp Makgobistad, probeer oorsteek het, en twee mense is in Phokeng dood toe hul motor deur vloedwater meegesleur is.
Intussen is die N12 by Wolmaransstad in Noordwes weer oopgestel nadat kontrakteurs sedert gisteroggend onverpoos gewerk het om die pad te herstel ná swaar reën en vloede in die omgewing.
Dié dorp, waar sowat 200 millimeter reën binne twee dae uitgesak het, is een van verskeie dorpe in die oostelike dele van die provinsie waar fratsvloede die afgelope week voorgekom het.
Huise en sake-ondernemings het ook erg deurgeloop.
The post Oorstromings: N12 in Noordwes weer oop appeared first on Radio Rosestad 100.6FM.