Belastingverligting was maar skraps in die minister van finansies, Pravin
Gordhan se begrotingsrede gister.
’n Nuwe belastingkerf van 45% is ingestel vir individue met ’n belasbare inkomste van meer as R1,5 miljoen per jaar.
Foto: Netwerk24
Die terughoudingsbelasting op dividende word ook van 15% tot 20% verhoog.
Aksynsbelasting op alkohol en tabak sal ook met tussen 6% en 10% styg.
Sowel die belastingkerwe as die primêre, sekondêre en tersiêre kortings is met slegs 1% verhoog.
BTW is onveranderd op 14% gelaat, terwyl maatskappye se belastingkoers onveranderd bly op 28%.
Pensioentoelaes word van 1 Maart af met R90 per maand verhoog.
Die uitvoerende hoof van Agri SA, Omri van Zyl, sê intussen dit is teleurstellend dat gister se begroting nie meer op die beskerming van die landbousektor gefokus het nie.
Hy sê kommersiële landbou moet een van die prioriteite wees om werk te skep en die ekonomie te laat groei.
Van Zyl sê kommersiële boere het verlede jaar byna geen ondersteuning van die staat gekry nie en van die R2,5 miljard wat vir droogtehulp begroot was, het hulle min gesien.
The post Nuwe belastingkerf in Gordhan se begrotingsrede appeared first on Radio Rosestad 100.6FM.