Die Polisie in Parkweg, Bloemfontein, het Woensdag `n deurbraak gemaak nadat hulle op `n gastehuis in McHardystraat in Brandwag toegeslaan het en beslag gelê het op `n 9 millimeter pistool, waarvan die volgnommer afgevyl is, en 11 rondtes amunisie.
Twee mans van onderskeidelik 24 en 30jaar van Soweto is die afgelope drie dae dopgehou omdat hulle vermoedelik by kriminele bedrywighede betrokke is.
Die polisie het toegeslaan nadat hulle `n wenk ontvang het.
Die polisie se kaptein Chaka Marope sê hulle het ook op vervalse etiketklere van sowat 12duisend rand beslag gelê.
Die verdagtes se wit Volkswagen Microbus is ook gekonfiskeer.
Die twee mans sal na verwagting binnekort in die stad se landdroshof verskyn op klagte van die besit van `n onwettige vuurwapen en ammunisie as ook vervalste etiketklere.
FOTO: Verskaf
The post VERDAGTE IN BLOEMFONTEIN-GASTEHUIS MET VUURWAPEN VASGETREK appeared first on Radio Rosestad 100.6FM.