Die weerstelsel wat oor Mosambiek beweeg en na Suid-Afrika onderweg is, is na ‘n oorland-depressie afgegradeer en staan nou bekend as ex-Dineo.
Volgens die Suid-Afrikaanse Weerdiens beweeg die laedrukstelsel op die oomblik teen sowat 80 kilometer per uur.
Geen berigte van skade is in die stadium ontvang nie.
Die weervoorspeller, Victoria Nurse, het aan SABC Nuus gesê die stelsel sal sterkte verloor na mate dit na Suid-Afrika beweeg.
Nursê sê egter ex-Dineo sal steeds swaar reën in Mpumalanga en Limpopo tot gevolg hê.
Inwoners is gewaarsku om bedag te wees op oorstromings en nie paaie en brûe oor te steek wat onder water is nie.
The post Dineo afgegradeer, swaar reën steeds oppad appeared first on Radio Rosestad 100.6FM.