Die minister van finansies, Pravin Gordhan, ontken dat hy op konflik met die
minister van maatskaplike ontwikkeling, Bathabile Dlamini, afstuur oor die
dreigende krisis rakende die betaling van maatskaplike toelaes.
Gordhan sê die Tesourie is daartoe verbind om Dlamini en die agentskap vir maatskaplike sekerheid, Sassa, by te staan om te verseker dat die toelaes betaal word.
Volgens berigte het Gordhan in ‘n brief aan Dlamini gesê die huidige diensverskaffer, Cash Payment Services, mag nie van April af ingesluit word in die lys opsies vir die betaling van die toelaes aan 17 miljoen mense nie.
Die Grondwet Hof het in 2013 reeds bepaal dat Sassa nie langer van die CPS se dienste gebruik mag maak nie. ‘n Uitstel van die sperdatum verstryk op 31 Maart.
The post Gordhan ontken dat hy konflik met Dlamini afstuur appeared first on Radio Rosestad 100.6FM.