’n Handjievol betogers het Maandagaand probeer om die
Varsitybeker-wedstryd by die Universiteit van die Vrystaat te ontwrig.
Netwerk24 berig die sowat 20 betogers het geëis dat die UV-bestuur die wedstryd tussen die Shimlas en Ikeys staak en ’n aankondiging doen oor die Shimlapark-verslag wat vroeër uitgereik is.
Prof. Nicky Morgan, waarnemende visekanselier en rektor, het die groep Maandagaand toegespreek en veiligheidswagte het hulle van die veld probeer hou.
Die wedstryd is sonder voorval hervat. Asive Dlanjwe, lid van die Free Education Movement (FEM), het gesê die ontwrigting was om almal te herinner niks is sover gedoen om die onderdrukking op kampus op te los nie.
Sommige studente is ontevrede omdat die Shimlapark-verslag nie met hulle bespreek is nie.
The post Betogers probeer Varsitybeker-wedstryd ontwrig appeared first on Radio Rosestad 100.6FM.