Die Afrikaanse sanger Steve Hofmeyr het hom gedistansieer van die
befondsingsprojek om hom Amerika toe te stuur vir ’n gesprek met pres. Donald Trump.
Volgens Netwerk24 het Hofmeyr agterdogtig geraak oor Kommandosorg, die organisasie wat hom wil stuur om hulp van die Amerikaanse president te vra teen die “volksmoord” op wit Afrikaners.
Dit volg nadat Boere Krisis Aksie op hul Facebook-blad gesê het John Rudman, wat aan die stuur van die veldtog is, het ‘n misdaadrekord en dat die insameling ‘n swendelary is.
Rudman het Hofmeyr genooi om by sy kantoor in Despatch te kom kuier sodat hy kan bewys dat hy nie by skelmstreke betrek word nie.
Hofmeyr het egter via sy assistent gesê hy kan self vir sy vliegtuigkaartjie betaal sou Trump wel tot ‘n ontmoeting instem.
The post Steve distansieer homself van befondsingsprojek appeared first on Radio Rosestad 100.6FM.