Suid-Afrikaners sal waarskynlik teen vanmiddag weet wie die voorkeurkandidaat is om adv. Thuli Madonsela as openbare beskermer op te volg.
Vyf kandidate is verlede week op ’n kortlys vir dié amp geplaas en een naam sal ná vandag deur die parlement se ad hoc-komitee na die nasionale vergadering vir goedkeuring gestuur word.
Ingevolge die grondwet sal 60% van die 400 LP’s in die Nasionale Vergadering die voorkeurkandidaat moet steun om aangestel te word.
Die kortlys van vyf bestaan uit regters Siraj Desai en Sharise Weiner, adv. Busisiwe Mkhwebane, adv. Muvhango Lukhaimane en prof. Bongani Majola.
The post VANDAG HOOR SA WIE VOORKEURKANDIDAAT VIR OB-POS IS appeared first on Radio Rosestad 100.6FM.