Die Mangaung Metro-munisipaliteit word vir R 542 020 gedagvaar deur kontrakteurs wat dienste in die metro gelewer het, maar nie betaal word nie.
Die DA sê dié regstappe volg nadat Mangaung voor die 2016 Munisipale Verkiesing probeer het om dienste kunsmatig in die metro-munisipaliteit te lewer.
Die DA Raadslid in die Metroraad, Rossouw Botes, sê die skuld is die direkte gevolg van die metro se kwasi-verbintenis om die indruk van dienslewering in die stad te skep.
Botes sê Mangaung kan gevolglik nie die kontrakteurs betaal nie en baie van die projekte staan nou verlate.
Gevolglik raak inwoners gefrustreerd met projekte, soos glibberige paaie, wat nie afgehandel word nie.
Botes sê ten spyte van waarskuwings deur die DA in die raad, het die metro voortgegaan om onbekostigbare projekte goed te keur.
The post “Kastige dienste” ‘n duur speletjie vir Mangaung appeared first on Radio Rosestad 100.6FM.