Inkopiegangers herstel nog van die skok-voorval waar ‘n ma haar kind in ’n
bekende winkelsentrum in Bloemfontein glo pimpel en pers geslaan het.
Netwerk24 berig die dogtertjie, een van drie, het lekkergoed by ‘n betaalpunt gevat waarvoor die vrou nie geld gehad het om te betaal nie.
Volgens ooggetuies het sy net daar op die plek op die meisietjie begin skreeu en gil, en haar herhaaldelik met die vuis geslaan.
Die kind het op die vloer geval, maar die vrou het haar steeds aangerand.
’n Kassier by die betaalpunt het die kind van die vrou af probeer wegkry, maar sy het haar aanhou slaan.
’n Klag is nie by die polisie ingedien nie omdat niemand weet wie die vrou is nie.
The post Ma rand glo kind in Bfn winkel aan appeared first on Radio Rosestad 100.6FM.