‘n Gedenkdiens vir die voormalige Springbok rugbykaptein, Joost van der
Westhuizen sal Vrydagmiddag half-een in die Loftus Versfeld-stadion in Pretoria plaasvind.
Van der Westhuizen is gistermiddag by sy huis oorlede na ‘n lang stryd teen motorneuronsiekte.
Intussen stroom hulde vir Van der Westhuizen in met die minister van Sport, Fikile Mbalula, SA Rugby, politieke partye, voormalige Springbokkapteins en oorsese rugby-unies van die talle instansies en mense wat reeds hulde gebring het.
President Jacob Zuma het in ‘n verklaring namens die regering en die mense van Suid-Afrika sy diepe hartseer en innige meegevoel uitgespreek.
Die DA-leier, Mmusi Maimane, het op Twitter gesê die Springbok 9-trui is deur baie gedra, maar baie min het die trui soveel eer aangedoen as Van der Westhuizen.
Saru se president, Mark Alexander, het hom bestempel as een van die grootste spelers van alle tye.
The post Gedenkdiens vir Joost appeared first on Radio Rosestad 100.6FM.