Meer as 2000 mense is die naweek Gauteng in aangekeer en daar is op
verskeie onwettige vuurwapens beslag gelê.
Die verdagtes staan tereg op aanklagte van onder meer moord, verkragting, roof en kindermishandeling.
Die polisie het padblokkades, voetpatrollies, en klopjagte op onwettige drankwinkels tydens die operasie gehou.
‘n Woordvoerder van die polisie, Mavela Masondo, sê 340 verdagtes is in Johannesburg aangekeer en in Soweto en Pretoria is stop-en-deursoekoperasies uitgevoer en verdagtes aangekeer.
Tydens ‘n klopjag in Soweto is daar op twee AK47’s beslag gelê en 751 verdagtes is in hegtenis geneem.
The post 2000 AANGEKEER TYDENS POLISIE-OPERASIE appeared first on Radio Rosestad 100.6FM.