Die president van die ANC-vroueliga, Bathabile Dlamini, sê die liga skaar
hulle agter Nkosazana Dlamini-Zuma as hul kandidaat vir die presidentskap van die ANC, omdat sy volgens hulle, die party en die land sal verenig.
Bathabile Dlamini sê Dlamini-Zuma, die voormalige AU-kommissievoorsitter, is ‘n merkwaardige leier en gedissiplineerde kader.
Die Vroueliga het met dié verklaring die opdrag van die ANC-leierskap geïgnoreer dat lede hulle daarvan moet weerhou om hul voorkeurkandidate bekend te maak.
Intussen het Nkosazana Dlamini-Zuma by ‘n kerkdiens in Carletonville in Gauteng gesê, dit het tyd geword dat vroue in Afrika leiers van hul lande word.
Daarmee is sy nou stewig in die saal vir die opvolgstryd om die ANC-presidentskap.
Die party se verkiesingskonferensie vind later vanjaar in Desember plaas.
The post ANC-VROUELIGA STEUN NKOSAZANA VIR PRESIDENTSKAP appeared first on Radio Rosestad 100.6FM.