Die vakbond Solidariteit het Vodacom gevra om duidelikheid tee gee oor sy proses om ʼn groot, nuwe SEB-transaksie die lig te laat sien.
Vodacom wil glo ʼn gedeelte van sy aandele in die Openbare Beleggingskorporasie terugkoop en dit deur middel van ʼn spesiale maatskappy eksklusief aan swart aandeelhouers beskikbaar stel.
Die waarde van die beoogde transaksie beloop glo ongeveer R15 miljard beraam, wat dit een van die grootstes van sy soort in die Suid-Afrikaanse geskiedenis sal maak.
Vodacom het reeds in 2008 ʼn groot SEB-transaksie van R7,5 miljard aangegaan.
Solidariteit se adjunk uitvoerende hoof ,Johan Kruger, sê dié tipe transaksies sluit klaarblyklik persone, wat nie as swart geklassifiseer word nie, uit sekere SEB-aandeleskemas uit.
Kruger sê dit kan met die oneweredige toekenning van aandele volgens ras in werknemersaandeleskemas gepaard gaan.
The post SOLIDARITEIT WIL WEET OOR VODACOM SE NUWE SEB-TRANSAKSIE appeared first on Radio Rosestad 100.6FM.