Die bekende staatsaanklaer Gerrie Nel sê hy het by die Nasionale
Vervolgingsgesag bedank en die aanstelling as hoof van AfriForum se nuwe privaat vervolgingseenheid aanvaar omdat hy bekommerd is oor die siening dat die NVG selektief is met vervolgings.
Nel, wat veral bekendheid verwerf het met die vervolging van die destydse polisie-kommissaris Jackie Selebie en veroordeelde Suid-Afrikaanse lemnaeler Oscar Pistorius, sê die eenheid gaan hom die geleentheid bied om te help verseker dat almal gelyk is voor die wet.
Die eenheid gaan ondersoek doen na sterk sake wat nie in die hof beland nie.
Kallie Kriel van AfriForum het op ‘n nuuskonferensie in Centurion, Gauteng, gesê Nel se nuwe pos bewys aan staatsamptenare dat hulle nie bo die wet verhewe is nie.
Intussen sê die Grondwetkenner prof. Pierre de Vos, AfriForum sal hom
waarskynlik tot die grondwet hof moet wend voordat hy sy beoogde private
vervolgingseenheid van die grond af sal kan kry.
Ingevolge artikel 7 van die Strafproseswet mag ’n privaatpersoon iemand privaat vervolg as die Nasionale Vervolgingsgesag besluit om nie vervolging in te stel nie.
Artikel 8 van die Strafproseswet laat wel toe dat ’n statutêre liggaam ’n private vervolging instel, maar AfriForum is nie ’n statutêre liggaam nie.
The post GERRIE NEL GEE REDES VIR BEDANKING appeared first on Radio Rosestad 100.6FM.