27 van die 33 onafhanklike kandidate in die munisipale verkiesing in die Mangaung-metro in Bloemfontein het gister uitgestap op ‘n vergadering waar die finale uitslae bekend gemaak is.
Netwerk24 berig hulle het ook ’n mosie van wantroue in die Onafhanklike Verkiesingskommissie ingestel, omdat die munisipale verkiesing volgens hulle nie vry en regverdig was nie.
Die kandidate voer aan hul besware oor beweerde onreëlmatighede ten tyde van die verkiesing is nie aangehoor nie.
Itumeleng Liba van die OVK in die Vrystaat sê hulle dra nie kennis van die beweerde onreëlmatighede nie, maar besware kan by die kommissie se hoofkantoor in Pretoria ingedien word.
The post Mosie van wantroue in OVK ingestel deur onafhanklikes appeared first on Radio Rosestad 100.6FM.