Die Departement van Energie het aangekondig dat die petrolprys Woensdag
met 29 sent per liter styg.
Diesel styg met 21 sent ‘n liter en paraffien sal 17 sent per liter duurder wees.
Die departement sê die stewiger rand die afgelope dae het die styging in pryse met 12 sent per liter verminder.
Die rand het sedertdien weer begin verswak te midde van gerugte dat President Jacob Zuma dit oorweeg om ministers af te dank wat verlede jaar gevra het dat hy bedank.
Volgens die nuusagentskap Bloomberg News, het senior ANC-leiers ná die party se Nasionale Uitvoerende Komiteevergadering, gesê Zuma oorweeg optrede, wat ‘n moontlike kabinetskommeling kan wees.
The post PRYS VAN PETROL GAAN STYG appeared first on Radio Rosestad 100.6FM.