Die Raad van die Universiteit van die Vrystaat het Willem Louw op ’ n
spesiale vergadering as die nuwe voorsitter in die plek van regter Ian van der
Merwe verkies.
Louw was vanaf 13 Maart 2015 ondervoorsitter van die raad nadat hy op 11 September 2009 verkies is en op 18 November 2011 as lid van die raad se uitvoerende komitee ingehuldig is.
Daarbenewens dien hy ook in die raad se subkomitee vir oudit en risiko, asook eregrade.
Dr. Nthabeleng Rammile is op die vergadering op 20 Januarie vanjaar tot ondervoorsitter verkies, wat van haar die eerste vrou in die geskiedenis van die universiteit maak wat in dié posisie gekies word.
Sy dien sedert 1 Januarie 2016 as verteenwoordiger van die godsdiens gemeenskappe in die raad en is ook ’ n lid van die raad se subkomitee vir oudit en risiko, asook van naamgewing.
Netwerk24 berig Louw sal tot 31 Desember 2018 as voorsitter van die raad dien en Rammile sal tot 12 Maart 2018 in die pos as ondervoorsitter dien.
The post WILLEM LOUW IS NUWE VOORSITTER VAN UV-RAAD appeared first on Radio Rosestad 100.6FM.