Twee Bloemfonteinse susters wat na bewering saamgesweer het om ’n
Nigeriese man te vermoor, is in die landdroshof in Bloemfontein op waarskuwing vrygelaat.
Netwerk24 berig die 36-jarige Mandie van der Merwe en haar suster, die 24-jarige Winnie Hatting, het gister vlugtig op ’n aanklag van sameswering om moord te pleeg voor landdros Inez Bezuidenhout verskyn.
Luidens die klagstaat het die twee vroue op 14 Januarie vanjaar saamgesweer om Calvin Udeaja, Hatting se voormalige vriend en die pa van haar oorlede dogter, te vermoor.
Die staat het nie hul aansoek om borgtog teengestaan nie en hulle is op waarskuwing vrygelaat omdat die vroue nie borgtog van R500 kon betaal nie.
Die verhoor is tot volgende maand vir verdere ondersoek uitgestel.
The post 2 SUSTERS GLO SAAMGESWEER OM MAN TE VERMOOR appeared first on Radio Rosestad 100.6FM.