Honderde leerders in die Noord-Kaap word steeds blootgestel aan gevaarlike
asbesmateriaal wat gebruik is om skole in dié provinsie op te rig.
Daar is steeds 23 skole van asbesmateriaal in gebruik in die Noord-Kaap.
Die Departement van Onderwys sê dit sal 14 jaar neem om die skole te vervang.
Die langdurige inaseming van asbesvesels kan noodlottige siektes meebring, insluitende asbestose en longkanker.
‘n Woordvoerder van die departement, Geoffrey van der Merwe, sê die bestaande 23 asbes-skole sal volgens ‘n 13-jaar aksieplan ooreenkomstig die Nasionale Ontwikkelingsplan teen 2030 vervang wees.
Van der Merwe sê drie skole is die afgelope drie jaar met baksteengeboue vervang.
The post ASBESGEVAAR IN NOORD-KAAP SKOLE appeared first on Radio Rosestad 100.6FM.