‘n Zimbabwiese burger en ‘n Suid-Afrikaner het in die Springbok Landdroshof
verskyn in verband met die handel in ongeslypte diamante ter waarde van meer as R1,7 miljoen.
‘n Woordvoerder van die Valke, Philani Nkwalase, sê die twee mans is na bewering die meesterbreine van ‘n sindikaat.
Hy sê ‘n ondersoek het die onwettige handel in Springbok, Port Nolloth en Steinkopf oopgevlek.
Daar is beslag gelê op 123 diamante.
Die een verdagte is borgtog van R25 000 toegestaan.
Die ander verdagte sal in aanhouding bly tot sy volgende hofverskyning op 1 Februarie.
The post 2 IN HOF VIR DIE HANDEL IN ONGESLYPTE DIAMANTE appeared first on Radio Rosestad 100.6FM.