Die intelligensiekomitee van die Amerikaanse senaat gaan bewerings
ondersoek dat Rusland probeer het om by verlede jaar se presidentsverkiesing in te meng.
Die komitee, bestaande uit Republikeinse en Demokratiese leiers, sê in ‘n verklaring Rusland se kuberbedrywighede en intelligensiepraktyke sal ondersoek word en onderhoude sal ook gevoer word met lede van die huidige Amerikaanse regering en lede van die span van die aangewese president, Donald Trump.
Die komitee wil ook vasstel of daar enige kontak was tussen Rusland en mense wat betrokke was by die Amerikaanse politieke veldtogte.
Trump het gister op Twitter aangekondig dat sy span binne 90 dae ‘n verslag oor kuberkrakery gaan uitreik.
The post VSA PRESIDENTSVERKIESING: SENAAT ONDERSOEK RUSLAND appeared first on Radio Rosestad 100.6FM.