Kaapstad se burgemeesterslid vir veiligheid en sekuriteit, JP Smith, sê die brand wat gisteraand teen die hange van Vlaeberg gewoed het, is onder beheer
gebring.
Hy sê vier brandspanne van die stad en brandslaners van die Suid-Afrikaanse Nasionale Parkeraad was op die toneel.
Intussen sê die stad se uitvoerende direkteur vir veiligheid en sekuriteit, Richard Bosman, dat die bestryding van brande die afgelope twee weke by Somerset-Wes en Simonstad die Stad Kaapstad R10 miljoen gekos het met nog drie maande se brandseisoen wat nog voorlê.
The post BRAND BY VLAEBERG IS ONDER BEHEER appeared first on Radio Rosestad 100.6FM.