18 van die 1 700 werknemers wat deelneem aan ‘n onwettige sitstaking by Harmony Gold se Kusasalethu-myn naby Carletonville, moes gister vir mediese redes na veiligheid gebring word.
Die mynwerkers is reeds sedert Woensdag ondergronds nadat hul geweier het om na die oppervlak terug te keer.
Harmony se woordvoerder, Charmaine Russell, sê kos en meer as 5 000 bottels water is aan die stakende werknemers verskaf wat sowat 2,4 kilometer ondergronds is.
Russell sê ontwatering en uitputting het sy tol geëis.
Die eise wat gister aan die bestuur gekommunikeer is, sluit in bonusse, die verwydering van sekere skofbestuurders en die voorwaarde dat geen dissiplinêre stappe teen die stakende werkers geneem sal word nie.
Die myn sê egter dat hierdie eise deur bestaande kanale gekommunikeer moes word.
The post SITSTAKING: 18 WERKERS UIT MYN WEENS MEDIESE REDES appeared first on Radio Rosestad 100.6FM.