Die Vrystaatse hooggeregshof het die Vrystaatse LUR vir onderwys se besluit om die Laerskool St. Helena in Welkom te verplig om ’n vyfjarige seuntjie in dié laat stadium van die jaar in die skool toe te laat, tersyde gestel.
Regter Paul Zietsman het gelas dat die LUR die saak volgens die toepaslike wetgewing moet hanteer sou die pa van die kind weer na die LUR appelleer teen die skool se weiering om sy kind te aanvaar.
Hy het ook gelas dat die LUR die regskoste van die skool en sy beheerraad moet betaal.
Die LUR het op 27 Mei vanjaar ’n brief aan die beheerraad van die Laerskool St. Helena geskryf waarin hy teen sy eie departement se voorskrifte, asook die toelatingsvereistes van die skool, die beheerraad verplig om die seuntjie vanaf die derde kwartaal as ’n leerling in die skool te registreer.
Die skool en die beheerraad het hulle tot die hooggeregshof gewend en ’n ooreenkoms is tussen die partye bereik, hangende dié beslissing wat pas deur regter Zietsman gegee is.
The post LUR MAG WELKOM SKOOL NIE DWING OM LEERLING TE AANVAAR appeared first on Radio Rosestad 100.6FM.