Die DA het bekend gemaak dat hy hofstukke by die Appèlhof in Bloemfontein ingedien het om pres. Jacob Zuma se aansoek om verlof tot appèl teen ’n uitspraak van die Hooggeregshof in Pretoria in April dat 783 aanklagte van rampokkery, korrupsie en bedrog weer teen hom ingestel word, teen te staan.
Die voorsitter van die DA se federale uitvoerende raad, James Selfe, sê Zuma se aansoek is niks anders nie as ’n vertragingstegniek om sy vervolging vir so lank as moontlik uit te stel.
Hy sê daar is geen redelike vooruitsig vir sukses of enige ander dwingende redes waarom die huidige appèl aangehoor moet word nie.
The post DA DIEN HOFSTUKKE IN TEEN ZUMA SE APPèL appeared first on Radio Rosestad 100.6FM.