Donald Trump sal die eerste president in die geskiedenis van Amerika wees wat ‘n Christelike inhuldiging sal hê.
Die aangewese president het aangekondig dat ses Christelike persoonlikhede toesprake en boodskappe by die inhuldigingsdiens sal lewer.
Onder hulle is Kardinaal Timothy Dolan van New York wat ‘n boodskap uit Die Bybel sal lewer.
Ander Christen-figure sluit in die evangelis, Pastoor Paula White en Samuel Rodriguez van die Spaans-Amerikaanse Christelike Leierskapskonferensie.
‘n Woordvoerder vir die Presidensiële Inhuldiginskomitee sê sedert die eerste inhuldiging het Amerikaanse leiers gefokus op die vryheid wat aan die mense van Amerika gegee is.
“Die Christelike-leiers sal dien as voorbeeld van watter rol geloof in Amerika speel.”
Trump sal op 20 Januarie in Washington as die 45ste president van Amerika ingehuldig word.
Sy teenstaander in die onlangste presidensiële verkiesing, Hillary Clinton, sal saam met haar man, voormalige president Bill Clinton, die inhuldigingsgeleentheid bywoon.
Die voormalige presidente George W Bush en Jimmy Carter het aangedui dat hulle dit ook sal bywoon.
The post EERSTE CHRISTELIKE INHULDIGING IN VSA SE GESKIEDENIS VIR TRUMP appeared first on Radio Rosestad 100.6FM.