Nege mense is al sedert Maandag in motorongelukke in die Vrystaat oorlede.
Netwerk24 berig ’n eenjarige baba, negejarige seun en ’ n vrou dood nadat twee vragmotors gisteroggend op die N1 buite Winburg reg van voor gebots het.
In ’ n ander ongeluk gisteroggend het ’n minibustaxi tussen Lindley en Petrus Steyn omgeslaan, met sewe mense wat lig beseer is.
Elders is een persoon dood en drie mans het ernstige beserings opgedoen in ‘n ongeluk Dinsdag tussen Warden en Harrismith.
Ook op die N6 noord van Rouxville op pad na Smithfield is een mens dood en talle passasiers beseer toe ’ n taxi Dinsdag teen ’ n sedan gebots het.
Drie mense is dood en nege is met beserings in die hospitaal opgeneem ná ’n ongeluk Dinsdag op die R57 naby Reitz.
Maandag is ‘n persoon op die toneel oorlede en vyf mense beseer nadat twee voertuie op die N1 noord van Winburg gebots het.
The post 9 AL DOOD OP PAAIE IN VS appeared first on Radio Rosestad 100.6FM.