Die voormalige bedryfshoof van die SAUK, Hlaudi Motsoeneng, sê so lank as wat hy ‘n werknemer van die openbare uitsaaier is, sal hy sy mag inspan om ‘n groot invloed op Suid-Afrikaners te hê.
Motsoeneng het die ANC-Jeugliga in die eThekwini-streek in KwaZulu-Natal toegespreek nadat hulle vroeër gevra het dat hy in die regering aangestel moet word.
Die liga het ook sy steun aan die uittredende voorsitter van die Afrika-uniekommissie, Nkosazana Dlamini-Zuma, as opvolger vir president Jacob Zuma as ANC-president bevestig.
Die Wes-Kaapse hooggeregshof het vroeër vandeesmaand beslis dat Motsoeneng se aanstelling as die SAUK se groephoof vir korporatiewe sake onwettig en irasioneel was.
Motsoeneng is desondanks van mening dat hy steeds ‘n werknemer van die SAUK is.
The post “EK SAL MY MAG INSPAN OM ‘N INVLOED OP SUID-AFRIKANERS TE Hê” appeared first on Radio Rosestad 100.6FM.