Die DA het sy kommer uitgespreek oor uitstaande skuld aan die Mangaung-metro wat die afgelope jaar met R 629 miljoen toegeneem het.

Die party se Hans Britz het tydens Woensdag se metro-raadsvergadering gesê die ANC-beheerde raad ignoreer die gevaarligte wat vir sy geldsake flikker.

“Die grootste toename van uitstaande skuld aan die metro is by watervoorsiening, wat die afgelope jaar met R 462 rand miljoen toegeneem het.”

Skuld aan die metro uit watervoorsiening is meer as 73 % van die totale toename in skuld die afgelope jaar.

Britz meen die metro behoort voorafbetaalde watermeters te installeer by inwoners wie se rekeninge lank uitstaande is.

Hy sê oortydbetalings is nog ‘n bron van kommer wat deur die ANC geïgnoreer word.

Netwerk24 berig meer as R 62 miljoen rand is daarvoor begroot vir die huidige finansiële jaar.

The post SKULD AAN METRO BELOOP MEER AS R 629 MIL appeared first on Radio Rosestad 100.6FM.