Die Mangaung-metro gaan ’n hoof vir sy nuwe Mangaung-metropolisiediens aanstel al is daar nog geen sakeplan vir die metropolisie of enige strukture en infrastruktuur of koste-beraming opgestel nie.
Opposisieraadslede van die ANC-beheerde metroraad het sterk kritiek uitgespreek oor die aanstelling van die hoof met ‘n verwagte jaarlikse salaris van sowat R 1,8 miljoen.
DA-raadslid Rossouw Botes het aan Netwerk24 gesê die verslag oor die aangeleentheid wat gister in die raadsvergadering gedien het, bevat gebrekkige inligting.
Botes sê ’n volledige sakeplan is nodig met geraamde koste voordat oor die saak besluit kan word.
Die verslag om kennis te neem van die totstandbringing van die metropolisiemag is met 54 stemme goedgekeur, met 27 teenstemme en vyf raadslede wat buite stemming gebly het.
The post VERKEERSHOOF VIR METROPOLISIE, MAAR GEEN SAKEPLAN NIE appeared first on Radio Rosestad 100.6FM.