’n Voormalige heelagter van die Vrystaat, die 56-jarige Ernest Viljoen, is Dinsdagmiddag dood in sy woonstel in Bloemfontein aangetref.
Ernest se broer, Kallie, het aan Netwerk24 gesê sy broer is glo aan natuurlike oorsake dood en het die dokter wat hom dood verklaar het, gesê dit lyk of ’n hartaanval die oorsaak was.
Ernest se seun, EJ, het onraad vermoed toe sy pa nie Dinsdag sy selfoon geantwoord het nie.
Kallie sê hulle het Dinsdagmiddag die woonsteldeur afgebreek waar Ernest dood aangetref is.
Ernest is in Januarie vanjaar vrygelaat nadat hy in 2011 tot vyf jaar gevangenisstraf gevonnis is omdat hy en JC Gie, ’n bekende sakeman van Bloemfontein, die Springbok-losskakel Morné Steyn uit 250 duisend rand bedrieg het.
The post OUD-HEELAGTER, ERNEST VILJOEN OORLEDE appeared first on Radio Rosestad 100.6FM.