Verskeie mense is die naweek in ongelukke op die land se paaie dood, terwyl swaar verkeer van dié week af op die hoofpaaie verwag word met vakansiegangers wat na hul bestemmings op pad is.
In die grootste enkele ongeluk is ses mense Saterdagoggend op die N1 by Mookgophong/Naboomspruit dood ‘n botsing reg van voor tussen twee motors.
Een van die bestuurders het glo uitgeswaai vir ‘n bus wat buite beheer geraak en heen en weer oor die pad gery het.
Minstens 10 mense is ook die afgelope naweek in gru-ongelukke op die Oos-Kaap se paaie dood.
Onder hulle is vyf mense wat op slag dood is in ’n botsing tussen ’n taxi en ’n sportnutsvoertuig op die N2 naby Qando in Tsolo.
Vyf mense is Saterdagaand op die N1 tussen Winburg en Bloemfontein dood en nog 17 beseer in ‘n botsing tussen ‘n vragmotor en ‘n taxi.
Nog twee mense is dood in ‘n botsing tussen ‘n minibus-taxi en ‘n vragmotor op die N2 buite Ermelo in Mpumalanga.
The post TALLE DOOD IN ONGELUKKE VÓÓR VAKANSIE appeared first on Radio Rosestad 100.6FM.