Opposisie-partye is dit eens dat Atul Gupta te danke aan president Jacob Zuma die sewende plek op Sunday Times se lys van die rykste Suid-Afrikaners gehaal het.
Die DA, Cope en ook IVP dring aan op ’n ondersoek na Atul se rykdom, veral in die lig van bewerings wat in die openbare beskermer, OB, se staatskapingsverslag vervat is.
Netwerk24 berig Atul, wat R 10 miljard sterk staan, is die enigste anders-kleurige sakeman onder die tien rykstes en het Patrice Motsepe onttroon wat nou die 11de rykste is.
Die Guptas se maatskappy Oakbay Investment Holdings en Gupta-geaffilieerde maatskappye was telkens in die media oor bewerings van staatskaping.
Talle Gupta-verwante maatskappye is reeds by transaksies met staatsdepartemente en -entiteite betrek.
Die familie ontken bewerings van ongerymdhede.
Die Shoprite-grootbaas, Christo Wiese, is steeds die rykste met ‘n nagenoeg 81 miljard rand.
The post ATUL SE POSISIE ‘TE DANKE AAN ZUMA’ appeared first on Radio Rosestad 100.6FM.