Die Nasionale Dierebeskermingsvereniging (NDBV) het nou die reg om private vervolgings in dieremishandeling-sake te doen.
Netwerk24 berig die organisasie het die saak na die Grondwet hof geneem, wat met die vereniging se betoë saamstem en Donderdag ’n gunstige uitspraak gelewer het.
Die saak volg na aanleiding van ’n voorval in 2010 waarin ’n kameel as deel van ’n ritueel in Johannesburg geslag is.
Die NDBV het die saak vir vervolging na die nasionale vervolgingsgesag verwys, wat besluit het om nie te vervolg nie.
Toe die NDBV by die NVG aansoek gedoen het om die saak privaat te vervolg, is die aansoek afgekeur omdat regspersone nie ingevolge art. 7 van die wet privaat mag vervolg nie.
Die NDBV voer aan dit is teen die Grondwet en regter Sisi Khampepe het in haar uitspraak dit beklemtoon, wat nuwe magte aan die NDBV gee.
The post MEER REGTE AAN DBV GEGEE appeared first on Radio Rosestad 100.6FM.