Die Universiteit van die Vrystaat se klasgeld en koshuis- en behuisingsgeld sal in 2017 met agt persent styg.
Die UV sê in ‘n verklaring die raad het op ‘n vergadering Vrydag die begroting vir 2017 goedgekeur, wat ‘n verhoging van agt persent insluit.
Die waarnemende visekanselier, prof. Nicky Morgan sê egter die gemiddelde klasgeld by die universiteit is in meeste gevalle laer as by ander universiteite.
“Die UV-bestuur is bewus van die ekonomiese realiteite in Suid-Afrika, asook die finansiële druk wat huishoudings tans ondervind – Prof Nicky Morgan”
Prof. Nicky Morgan
Studente uit arm en werkersklas gesinne sal finansiëel bygestaan word.
Die verhoging is in lyn met aanpassings vir universiteitsfooie wat in September deur die minister van hoër onderwys, Blade Nzimande, voorgestel is.
Die Universiteit van die Witwatersrand het Maandag aangekondig dat klasgelde ook met agt persent sal styg, terwyl die Universiteit Stellenbosch verlede week ‘n soortgelyke aankondiging gemaak het
The post 8% FOOIVERHOGING BY UV appeared first on Radio Rosestad 100.6FM.