‘n Gesiene boer van Dealesville, die 77-jarige Neville Collet, is weens verkragting tot tien jaar tronkstraf in die streekshof in Bloemfontein gevonnis.
Collet se ouderdom is een van die redes waarom streeklanddros Leavit Mkansi hom nie lewenslank tronk toe gestuur het nie.
Landdros Mkansi het Collet verlof toegestaan om teen sy vonnis te appelleer en het hom op borgtog van R10 000 vrygelaat hangende sy appèl, maar hom verlof geweier om teen sy skuldigbevinding te appelleer.
Collet het tussen 2010 en 2013 ’n minderjarige meisie van ’n woonbuurt langs sy plaas, Goedehoop, verkrag.
Die 20-jarige Seitatolo Duiker van Freedom Square, wat as koppelaar opgetree het, is ook aan verkragting skuldig bevind.
The post Bejaarde boer kry 10 jaar tronkstraf vir verkragting appeared first on Radio Rosestad 100.6FM.