Italië se eerste minister, Matteo Renzi, het bedank.
Dit volg nadat hy ‘n groot nederlag gely het in gister se referendum oor sy plan om die grondwet te verander.
Renzi sê hy gaan die kabinet vanmiddag oor sy bedanking inlig en daarna sy bedanking by die president indien nadat hy twee en ‘n half jaar lank in die pos was.
Sy bedanking kan die weg gebaan vir die opposisie-Vyfster-beweging om binnekort in Italë aan bewind te kom.
Die uitslag word verder bestempel as ‘n hupstoot vir die regse Noordelike Liga, ‘n bondgenoot van Frankryk se verregse Marine le Pen, se pogings om tot die leierskapstryd in Italië toe te tree.
Ontleders meen die stem teen hervormings in Italië kan beleggers in die vierdegrootste ekonomie in Europa afskrik.
KEY BEDANK WEENS “FAMILIEREDES”
Intussen het Nieu-Seeland se eerste minister, John Key, ook aangekondig dat hy gaan bedank nadat hy agt jaar lank die amp beklee het.
Hy het familieredes vir die besluit aangevoer.
Keys se adjunk, Bill English, sal waarskynlik die amp oorneem totdat die party se koukus ‘n uwe eerste minister aanwys.
Key sê dit was die moeilikste besluit wat hy nog moes neem, maar dit het tyd geword dat hy vanweë sy gesinspligte sy amp neerlê.
The post TWEE EERSTE MINISTERS BEDANK appeared first on Radio Rosestad 100.6FM.