Die Mangaung Metro word deur ‘n strafregtelike klag in die gesig gestaar as hy voortgaan om die ooglopende riool-krisis in Bloemfontein te ignoreer.
Netwerk24 berig die Groen Skerpioene het die Rosestad gister besoek nadat die DA reeds in September 2015 ’n klag teen die metro ingedien het wat nie die stelsel onderhou nie.
Volgens Hardie Viviers, DA-koukusleier, is die Groen Skerpioene gister na 14 plekke in Bloemfontein vergesel waar die riool letterlik uitstroom.
Volgens Viviers sal die Groen Skerpioene nou ’ n verslag aan die metro en aan die eenheid se hoofkantoor in Johannesburg stuur.
Die metro sal kans gegun word om te sê hoe hy die probleme op kort en lang termyn gaan oplos.
Indien die metro weer die versoek ignoreer, sal twee waarskuwings volg, asook ’ n derde, finale waarskuwing, voordat ’n strafregtelike saak geopen sal word.
‘n Lid van die Groen Skerpioene en Hardie Viviers kyk na die riool wat beland in Loch Logan-waterfront se water. Foto: Netwerk24
Adv. Tankiso Mea, waarnemende stadsbestuurder, het by navraag gesê hy is uitstedig en kan eers later kommentaar lewer.
The post RIOOL-KRISIS IN BFN appeared first on Radio Rosestad 100.6FM.