Die SAUK-raad het probeer om ter elfder ure die parlementêre ondersoek na
die raad met ’n hofaansoek te stuit.
Netwerk24 berig dat die voorsitter van die SAUK-raad en laaste oorblywende lid, professor Obert Maguvhe, in die hooggeregshof in Kaapstad aansoek gedoen het om ‘n interdik teen die ondersoek.
Dit sal egter eers Vrydag aangehoor word, terwyl die ad hoc-komitee wat die ondersoek doen, reeds vanoggend sal vergader.
Die komitee se voorsitter, Vincent Smith, het aan TimesLive gesê die komitee se vergadering om negeuur sal voortgaan, en dat daar dan besluit sal word hoe om die ondersoek aan te pak.
The post SAUK: RAAD PROBEER ONDERSOEK TE STUIT appeared first on Radio Rosestad 100.6FM.