Die sekretaris-generaal van die ANC, Gwede Mantashe, het vanoggend bevestig dat president Jacob Zuma op 3 Desember voor die party se integriteitskomitee sal verskyn om Nkandla en die Openbare Beskermer se verslag oor staatskaping te verduidelik.
Die koerant, Mail & Guardian, het vroeër berig dat daar nie aanklagte teen Zuma aanhangig gemaak is nie, en dat die komitee net met Zuma wil praat, en die stand van die organisasie met hom wil bespreek.
Die veteraan, Andrew Mlangeni, wat die voorsitter is van die integriteitskomitee, is deel van die 101 ANC-veterane wat vroeër Zuma se kop geëis het weens die verslag oor staatskaping en die mislukte vervolging van die minister van Finansies, Pravin Gordhan.
The post ZUMA VERSKYN VOOR KOMITEE OOR NKANDLA, OB-VERSLAG appeared first on Radio Rosestad 100.6FM.